Saír,
saír da opacidade,
amosarse, asomarse,
con paso decidido,
case marcial,
coa vista á fronte, erguida,
as pegadas atrás,
a impronta deixada sen contemplacións,
confiando no incerto porvir
que virá,
seguro,
interpoñerse no camiño,
sen coñecer cando,
nen onde,
indeterminado;
pero virá,
porque sempre ven, sempre chega.
Xa chegou,
e xa pasou,
e chegará outra vez,
nunha sucesión case infinita
ata a fin,
o porvir único e inevitable,
un novo comezo.
Saír.
Ningún comentario:
Publicar un comentario