IMPERMANENCIA

 

Impermanencia,

dos días e momentos,

dos sorrisos e das bágoas,

da calor e do frío,

da túa efímera presenza.

A inconstante realidade,

esvaece e rexurde

a capricho do destino,

xogando coas emocións,

trocando de disfrace.

E así, frotando apenas

sobre a ondaxe da vida,

loitando resignado

coa esperanza de facer pé

na tamén inestable area.

Así agardo, impaciente,

resignado a esta inestabilidade,

cal libro pechado,

de portada ambigua,

que agacha historias

baixo cadea e candado,

agardando pola curiosidade

daquela fermosa alma

para o que está destinado.

Agardando…