LIVERPOOL

 

As pedras da historia

falan de guerras,

de morte e de penas,

de escuridade

e silenzos obrigados.

Falan de soños truncados,

da friaxe das distancias,

de corazóns a destempo

e de naves á deriva.

Das xentes do mar cambiante,

imparable,

e tantas veces cruel,

distanciador e destructor.

Dos sons do pasado,

clásicos que perduran

na modernidade dos tempos.

De vellas historias que asoman

sobre o barullo de rúas ateigadas,

no mercado aparente da felicidade,

entre luces e cores de diseño

e náufragos da vida envoltos 

en cadanseu inconfesable segredo.

Por entre os susurros

e as ferintes lembranzas,

o camiño na presenza

aviva o lume da esperanza,

da vida nova e impredecible,

diante mesmo

e tan lonxe á vez,

na dúbida do atrevemento.