Sopesei a indiferenza, 

unha cortina de fume no profundo da mente.

Pechei os ollos

coa forza da porta que un día bateu 

e deixou o interior dividido ao chou.

O mesmo fume rebelde

debuxou o teu rostro sorrinte

coa nitidez da realidade mesma,

afundíndome

máis abaixo, no inframundo dos sentimentos.

Temo pechar os ollos xa

para buscarme dentro;

Que difícil ser indiferente

cando todo está aínda tan fresco.

Sopesarei a indiferenza 

para cando atope o silenzo.

Maio de 2022